XOTRAMU
A TROPA C NA CASA! Idade recomendada: de 1 a 12 anos Duración: 2 horas Lingua: galego Preparádevos para unha tarde chea de movemento e risas! A Tropa C convídavos a probar os xogos tradicionais galegos cos que se divertían as crianzas de antes… e tamén as de agora. Poderedes atopar cordas para saltar, birlos para derrubar, peóns que xiran sen parar, xogos de puntería, de memoria e de habilidade, ademais de moitas outras propostas cheas de enxeño. Un espazo participativo onde as nenas e os nenos sodes protagonistas, brincando, compartindo e gozando xuntos dun patrimonio lúdico que nos une como comunidade e que segue tan vivo coma sempre.